Ака уйăхĕн 25-мĕшĕ – Чăваш чĕлхи кунĕ: Тăван чĕлхе – чун пахи, ĕмĕрлĕхе

Чăваш чĕлхи – тăван чĕлхе

Эс – чун пахи, эс – чун уççи.
Тăван чĕлхе – ĕмĕрлĕхе
Пин чĕлхерен чи çепĕççи
(Титова О.)

Чăваш чĕлхи – чи авалхи тĕрĕк чĕлхисенчен пĕри. Пирĕн халăх паянхи кунччен тăван чĕлхене, юрăсене, йăла-йĕркесене упраса хăварма пултарнă. Г. Н. Волков академик çапла каланă: "Чĕлхе вăл – культура. Чĕлхе пулăшнипе халăх пуянлăхĕ тăван культурăна куçать. Чăваш сăмахĕ – чун-чĕре пуянлăхĕ, кăмăл тĕнчин илемĕ".

Чĕлхе – анне сĕчĕ пек

Тăван чĕлхере пирĕн пуçламăшĕн пуçламăшĕ упранать. Анне – пĕрре, тăван чĕлхе те пĕрре. Чăваш чĕлхи анне сĕчĕ пек, вăл – чĕре варринче. Анне пире пурнăç парнелерĕ пулсан, чĕлхе пĕлӳ тĕнчине çул уçрĕ.

Икĕ чĕлхе – икĕ ăс

И.Я. Яковлев просветителĕн "Вырăс чĕлхи тăван чĕлхе вырăнне мар, тăван чĕлхепе пĕрле", "Икĕ чĕлхе – икĕ ăс" халалĕсем халăх каларăшне çаврăнчĕç.

Обратите внимание: Ака уйăхӗн 20-25-мӗшӗсенче «Эпӗ чăвашла калаҫатăп» акци иртет.

Чĕлхе – халăх ăсĕ тата ĕмĕрлĕх кĕнеки

"Чăваш чĕлхи – халăх ăсĕ. Вăл аваллăхпа пĕлĕвĕн таса çăлкуçĕ. Тăван чĕлхепепичетленнĕ Турă кĕнеки пур халăх çĕр çинчен çухалмасть", – тенĕ хăй вĕренекенĕсене И. Я. Яковлев. Пирĕн чăвашла тĕн кĕнекисем пур. Ырă шухăшлă кĕнекесем тĕрĕслĕхе уйăрса илме тата пурнăça вĕрентеççĕ.

Тăван сăмах – халăх чунĕ

Тăван сăмах – халăх чунĕ. Ачана тăван чĕлхене вĕрентмесен ун чунне тискеррĕн вĕлеретĕн. Авалхи халăхсем хăйсен чĕлхисене упраса хăварма тăрăшнă. Амăшĕн чĕлхине йышăнман çын хăйĕн ашшĕ-амăшне те, тăван ялне те юратмасть, чăваш халăхĕпе çĕршывăма та хисеплемест тенĕ. Мĕн асаттесен чĕри витĕр тухнă, пирĕн этноса упрама пулăшнă еткерлĕхе малалла тăсасчĕ.

Йăла-йĕрке – чĕлхен тымарĕ

Халăх йăли-йĕрки – пирĕн тымар. Çирĕп тымарлă йывăç вара ĕмĕр тăрать. Йăла-йĕркене упраса хăварсан пирĕн чĕлхе те "сывă" юлĕ.